രണ്ടുപേരുടെ മരണത്തിന് ഇടയാക്കിയ നിപ്പ രോഗബാധയുടെ ആശങ്കകൾക്കിടയിലും ജാഗ്രതയോടെ കടന്നുപോയി ഇന്നലെ പകൽ. സ്വകാര്യ ആശുപത്രിയിലെ 24 കാരനായ നഴ്സിന് ഇന്നലെ രോഗം സ്ഥിരീകരിച്ചു. മറ്റൊരു ആരോഗ്യപ്രവർത്തകനു രോഗമില്ലെന്നും വ്യക്തമായി. രോഗം സ്ഥിരീകരിച്ച് വെന്റിലേറ്ററിൽ കഴിയുന്ന 9 വയസ്സുകാരന്റെ നില മാറ്റമില്ലാതെ തുടരുകയാണ്. കോഴിക്കോട് ജില്ലയിൽ പ്രഫഷനൽ കോളജുകൾ, അങ്കണവാടി, മദ്രസ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ഇന്നും നാളെയും ജില്ലാ കലക്ടർ അവധി പ്രഖ്യാപിച്ചു. സർവകലാശാലാ പരീക്ഷകൾക്കു മാറ്റമില്ല.
previous post