🔰♦️ഇന്ന് കൊട്ടിക്കലാശം 🔰♦️

കോട്ടയം: പുതുപ്പള്ളി ഉപതിരഞ്ഞെടുപ്പിന്റെ പരസ്യപ്രചാരണം ഞായറാഴ്ച വൈകീട്ട് ആറിന് അവസാനിക്കും. വോട്ടെടുപ്പ് അവസാനിക്കുന്നതിന് 48 മണിക്കൂർ മുമ്പ് വരെയേ പരസ്യപ്രചാരണം പാടുള്ളൂ. അഞ്ചിനാണ് തിരഞ്ഞെടുപ്പ്. പ്രചാരണം തീരുന്ന ഞായറാഴ്ച കലാശം ഗംഭീരമാക്കാനുള്ള ഒരുക്കത്തിലാണ് മുന്നണികൾഇടതുമുന്നണി സ്ഥാനാർഥി ജെയ്ക് സി. തോമസ് മണ്ഡലപര്യടനം ഞായറാഴ്ച പൂർത്തിയാക്കും. 300 ബൈക്കുകളുടെ അകമ്പടിയോടെ 12-ന് കൂരോപ്പടനിന്ന് പാമ്പാടിവരെ പര്യടനം ഉണ്ടാകും. എട്ട് പഞ്ചായത്ത് ആസ്ഥാനങ്ങളിലും പ്രത്യേകം പ്രചാരണകലാശം ഉണ്ടാകും. സി.പി.എം. സെക്രട്ടറി എം.വി.ഗോവിന്ദൻ, ഇടതുമുന്നണി കൺവീനർ ഇ.പി.ജയരാജൻ, കേരള കോൺഗ്രസ് (എം) ചെയർമാൻ ജോസ് കെ.മാണി എന്നിവർ വിവിധ കുടുംബയോഗങ്ങളിൽ സംസാരിക്കുന്നുണ്ട്.

യു.ഡി.എഫ്. സ്ഥാനാർഥി ചാണ്ടി ഉമ്മൻ എല്ലാ മണ്ഡലങ്ങളിലൂടെയും പര്യടനം നടത്താനാണ് പരിപാടി. ഭാരത് ജോഡോ യാത്രയുടെ മാതൃകയിൽ നടക്കാൻ ഉദ്ദേശിച്ചിരുന്നെങ്കിലും അതുണ്ടാകില്ല. എല്ലാ പഞ്ചായത്ത് ആസ്ഥാനത്തും കലാശ പരിപാടികളുണ്ടാകും. പാമ്പാടിയിലാണ് പ്രധാന പരിപാടി നടക്കുക. കെ.പി.സി.സി. അധ്യക്ഷൻ കെ.സുധാകരൻ, എ.ഐ.സി.സി. ജനറൽ സെക്രട്ടറി കെ.സി.വേണുഗോപാൽ, പ്രതിപക്ഷനേതാവ് വി.ഡി.സതീശൻ എന്നിവർ നേതൃത്വം നൽകും..