അദാനി ഗ്രൂപ്പിനെതിരെ ഉയര്ന്ന ഓഹരി മൂല്യത്തട്ടിപ്പിൽ പ്രതികരിച്ച് തോമസ് ഐസക്.അദാനി ഓഹരി കുംഭകോണം ഒരു നിർണ്ണായക വഴിത്തിരിവിൽ എത്തിയിരിക്കുന്നു എന്നാണ് തോമസ് ഐസക് പറഞ്ഞത്. അദാനി കമ്പനി മോദിയുടെ ചാമ്പ്യൻ ഇൻവെസ്റ്റർമാരിൽ ഒരാളാണെന്നും രാജ്യം ആഗോള സാമ്പത്തിക ശക്തിയാകണമെങ്കിൽ ആഗോള ഭീമന്മാർ ഇന്ത്യയിൽ ഉണ്ടാകണമെന്നതാണ് മോദിയുടെ വികസനകാഴ്ചപ്പാട് എന്നും തോമസ് ഐസക് പറഞ്ഞു. അതിലൊരു ഭീമന്റെ വെട്ടിപ്പുകളെക്കുറിച്ച് വിശദീകരിക്കാനുള്ള രാഷ്ട്രീയ ബാധ്യത പ്രധാനമന്ത്രിക്കുണ്ടെന്നും എന്നാൽ ഇന്നുവരെ പാർലമെന്റിനകത്തോ പുറത്തോ വായ തുറക്കാൻ അദ്ദേഹം തയ്യാറായിട്ടില്ല എന്നും ഐസക് വ്യക്തമാക്കി.ഫേസ്ബുക്കിൽ പങ്കുവെച്ച കുറിപ്പിലാണ് അദാനി വിഷയം അദ്ദേഹം വിശദീകരിച്ചത്.