കെ ജി എൻ എ ജില്ലാ സമ്മേളനം

ഇരിട്ടി: കേരള ഗവർമെൻറ് നേഴ്സസ് അസോസിയേഷൻ കണ്ണൂർ ജില്ലാ സമ്മേളനം ഇരിട്ടിയിൽ വച്ച് നടന്നു. ഒക്ടോബർ 13, 14 തീയതികളിൽ വയനാട് ജില്ലയിൽ നടക്കുന്ന അസോസിയേഷന്റെ സംസ്ഥാന സമ്മേളനത്തിന്റെ മുന്നോടിയായാണ് ജില്ലാ സമ്മേളനം ഇരിട്ടിയിൽ നടന്നത്. എം എൽ എ കെ.കെ. ശൈലജ ടീച്ചർ ഉദ്‌ഘാടനം ചെയ്തു. ജില്ലാ പ്രസിഡണ്ട് പി. ആർ. സീന അധ്യക്ഷത വഹിച്ചു. ജില്ലാ സെക്രട്ടറി കെ. വി. പുഷ്പജ, സക്കീർ ഹുസൈൻ, എഫ് എസ് ഇ ടി ഒ ജില്ലാ സെക്രട്ടറി എൻ. സുരേന്ദ്രൻ, കെ ജി എൻ എ സംസ്ഥാന സെക്രട്ടറി ടി. ടി. ഖമറൂസമാൻ, സംസ്ഥാന കമ്മിറ്റി അംഗം പി. പ്രീത, ജില്ലാ ട്രഷറർ വി. പി, സാജൻ, സംസ്ഥാന കമ്മിറ്റി അംഗം എസ്. ദീപു, ജില്ലാ ജോയിൻ സെക്രട്ടറി എ. എൻ. രതീഷ് എന്നിവർ സംസാരിച്ചു.