ഓണക്കാലത്ത്‌ കൺസ്യൂമർഫെഡ് നടപ്പിലാക്കുന്ന സമ്മാനമഴ പദ്ധതിയുടെ കൂപ്പൺ പ്രകാശനവും ആദ്യ വിൽപ്പനയും ചെയർമാൻ എം മെഹബൂബ് നിർവഹിച്ചു. 1000 രൂപയ്ക്ക് സാധനങ്ങൾ വാങ്ങുന്നവർക്ക്‌ ലഭിക്കുന്ന സമ്മാന കൂപ്പൺ നറുക്കെടുപ്പിലൂടെ നിരവധി സമ്മാനങ്ങളാണ് കൺസ്യൂമർഫെഡ് ഒരുക്കിയിട്ടുള്ളത്.
ആഗസ്‌ത്‌ 10 മുതൽ സെപ്‌തംബർ 20 വരെ നീളുന്ന സമ്മാന പദ്ധതിയിൽ എറണാകുളം മേഖലയിലെ 17 ത്രിവേണികളും 7 മെഡിക്കൽ ഷോപ്പുകളും ഉൾപ്പെടും. ചടങ്ങിൽ കൺസ്യൂമർഫെഡ് വൈസ് ചെയർമാൻ അഡ്വ. പി എം ഇസ്‌മയിൽ അധ്യക്ഷനായി. എറണാകുളം മേഖലാ മാനേജർ അനിൽ പി സക്കറിയ, മാനേജിംഗ് ഡയറക്‌ടർ എം സലിം, മേഖലാ ഡെപ്യൂട്ടി മാനേജർ ടി കെ നവീൻ എന്നിവർ സംസാരിച്ചു.