കേളകം: സീനിയർ ചേംബർ കേളകം ലീജിയൻ ഇൻസ്റ്റലേഷനും ആദരിക്കലും സംഘടിപ്പിച്ചു. കേളകം ജെ.കെ റെസിഡൻസിയിൽ വച്ച് നടന്ന ഇൻസ്റ്റാളേഷൻ ചടങ്ങിൽ സീനിയർ ചേംബർ നാഷണൽ വൈസ് പ്രസിഡണ്ട് ഡോ. പ്രദീപ് നായർ മുഖ്യാതിഥി ആയിരുന്നു. കേളകത്തിന്റെ വിദ്യാഭ്യാസ മേഖലയിൽ അതുല്യമായ സംഭാവന നൽകിയ വി.റ്റി. കോളജിന്റെ പ്രിൻസിപ്പൽ സി.ആർ വിജയൻ മാസ്റ്ററെയും കലാകാരൻ സി.എം. ജോസഫിനെയും ചടങ്ങിൽ ആദരിച്ചു.
സിനിയർ ചേംബർ ഇന്റർനാഷണൽ കേളകം ലീജിയൻ പ്രസിഡണ്ടായി ഷാജി മീമനമറ്റം, സെക്രട്ടറിയായി മനോജ് എം.റ്റി, ട്രഷററായി ഷാജി ജോൺ എന്നിവർ ചുമതലയേറ്റു.
കേളകം ലീജിയന്റെ സ്ഥാപക പ്രസിഡണ്ട് അഡ്വ. പി.വി. ജോസ്, സീനിയർ ചേംബർ ദേശീയ നേതാക്കളായ പ്രദീപ് പ്രതിഭ, എം വാസുദേവൻ, ബെന്നി, ഷാജി ജോൺ, മനോജ് എം.റ്റി, ഷാജി.എം.എ എന്നിവർ സംസാരിച്ചു.