സ്വിമ്മിംഗ് പൂളിൽ വീണ് മൂന്ന് വയസുകാരൻ മരിച്ചു.

കാഞ്ഞങ്ങാട് > വീടിന്റെ  ടെറസിലുള്ള സ്വിമ്മിംഗ് പൂളിൽ അബദ്ധത്തിൽ വീണ് മൂന്ന് വയസുകാരൻ മരിച്ചു. പ്രവാസിയായ മാണിക്കോത്ത് പടിഞ്ഞാറ് വളപ്പിൽ ഹാഷിം- തസ്ലീമ ദമ്പതികളുടെ മകൻ ഹദിയാണ് മരിച്ചത്. ചൊവ്വാഴ്‌ച രാവിലെ തൊട്ടടുത്തുള്ള ഹഷിമിന്റെ സഹോദരൻ ഷാഫിയുടെ വീടിന്റെ മുകളിൽ കളിക്കുന്നതിനിടെ അബദ്ധത്തിൽ ടെറസിലുള്ള സ്വിമ്മിംഗ് പൂളിൽ വീഴുകയായിരുന്നു. ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. സഹോദരങ്ങൾ:അൻഷിക്, ഹഫീഫ. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.