അടയ്ക്കാത്തോട്: മലയോര കുടിയേറ്റ കേന്ദ്രമായ ശാന്തിഗിരി നിവാസികളുടെ ആശ്രയമായ രണ്ട് ബസ്സുകൾ ഞായറാഴ്ച്ച ട്രിപ്പ് മുടക്കിയതിനാൽ പ്രദേശവാസികൾ യാത്രാദുരിതത്തിലായി.
ഞായറാഴ്ച ബസ്സ് ട്രിപ്പ് മുടക്കിയതിനെതിരെ ഡി.വൈ.എഫ്.ഐ യുടെ നേതൃത്വത്തിൽ ശാന്തിഗിരിയിൽ ബസ്സ് തടഞ്ഞു പ്രതിഷേധിച്ചു. ഞായറാഴ്ച ശാന്തിഗിരി – കേളകം റൂട്ടിൽ ഓടുന്ന രണ്ട് ബസ്സകൾ ആണ് ട്രിപ്പ് മുടക്കിയത്
ഇതിന്റെ ഭാഗമായി നിരവധി യാത്രക്കാർ ഏറെ ബുദ്ധിമുട്ട് അനുഭവിച്ചു. തിങ്കളാഴ്ച രാവിലെ ഓടാൻ വന്ന ഗാലക്സി, മിസ്റ്റ് എന്നി ബസ്സുകൾ ശാന്തിഗിരിയിൽ ഡി വൈ എഫ് ഐ യുടെ നേതൃത്വത്തിൽ തടഞ്ഞത്
തുടർന്ന് നടന്ന ചർച്ചയിൽ ബസ്സ് എല്ലാ ദിവസവും ഓടിക്കൊള്ളാമെന്ന ഉറപ്പിന്റ അടിസ്ഥാനത്തിൽ ബസ്സ് ഓടാൻ സമ്മതിച്ചു. യൂണിറ്റ് പ്രസിഡന്റ് ഗ്രേവിൻസ്, സെക്രട്ടറിഅനൂപ്, സി പി ഐ എം ശാന്തിഗിരി ബ്രാഞ്ച് സെക്രട്ടറി ബിനു എന്നിവർ നേതൃത്വം നൽകി.
അടക്കാത്തോട് – കേളകം റൂട്ടിലും ഞായറാഴ്ച്ച ബസ്സുകൾ ട്രിപ്പ് മുടക്കുന്നതിനെതിരെ പ്രതിഷേധമുണ്ടാകുമെന്ന് ഡി.വൈ.എഫ്.ഐ മുന്നറിയിപ്പ് നൽകി.