സംസ്ഥാനത്ത്‌ എഐ കാമറ സ്ഥാപിച്ചതോടെ ഗതാഗത നിയമലംഘനങ്ങൾ ഗണ്യമായി കുറഞ്ഞു. കാമറകൾ സ്ഥാപിക്കുന്നതുവരെ 2.13 ശതമാനമായിരുന്ന നിയമലംഘനങ്ങൾ പിന്നീട്‌ 1.41 ആയി. ഏപ്രിൽ 20നാണ് എഐ കാമറ സംവിധാനം പ്രവർത്തനം ആരംഭിച്ചത്. ഏപ്രിൽ 17ന് 4,50,552 വാഹനം വിവിധ നിയമലംഘനം നടത്തിയെങ്കിൽ കഴിഞ്ഞ തിങ്കളാഴ്ച ഇത് 2,72,540 ആയി. നിരത്തുകളിൽ അമിതവേഗക്കാരുടെ എണ്ണവും അനധികൃത പാർക്കിങ്ങും ഡ്രൈവിങ്ങിനിടയിലെ ഫോൺ ഉപയോഗവുമെല്ലാം കുറഞ്ഞുതുടങ്ങിയതായി അധികൃതർ പറഞ്ഞു. പിഴ ഈടാക്കി തുടങ്ങുന്നതോടെ നിയമലംഘനങ്ങളുടെ എണ്ണം ഒരു ലക്ഷത്തിൽ താഴെയാകുമെന്നാണ് പ്രതീക്ഷിക്കുന്നത്‌
എഐ കാമറ ; നിയമലംഘനങ്ങൾ ഗണ്യമായി കുറഞ്ഞു
