ഇരിട്ടി : ഏഴ് ദിവസം നീണ്ടുനിൽക്കുന്ന കിഴൂർ ശ്രീ മഹാദേവക്ഷത്രം വാർഷിക മഹോത്സവത്തിന് തുടക്കമായി .
ഉത്സവത്തിന്റെ ഭാഗമായി ഇന്നലെ വൈകുന്നേരം കലവറ നിറക്കൽ ഘോഷയാത്ര നടന്നു. ക്ഷേത്രം മാതൃസമിതിയുടെ നേതൃത്വത്തിൽ നേരംപോക്ക് അരയാൽത്തറയിൽ നിന്നും ആരംഭിച്ച ഘോഷയാത്രയിൽ നിരവധി ഭക്തജനങ്ങൾ പങ്കെടുത്തു.
തുടർന്ന് നടന്ന സാംസ്കാരിക സമ്മേളനത്തിൽ മുരളീധര വാര്യർ കല്യാശ്ശേരി ആത്മീയ പ്രഭാഷണം നടത്തി. ക്ഷേത്രസമിതി പ്രസിഡണ്ട് കെ. ഭുവനദാസൻ വാഴുന്നവർ അദ്ധ്യക്ഷനായി. തുടർന്ന് ഉത്സവത്തിന് തുടക്കം കുറിച്ചുകൊണ്ട് കൊടിയേറ്റ് നടന്നു. വിലങ്ങര ഇല്ലത്തിന്റെ നിർദ്ദേശപ്രകാരം ആചാര്യന്മാരാണ് കൊടിയേറ്റ് കർമ്മം നടത്തിയത്. കൊടിയേറ്റത്തിന് ശേഷം പായസ വിതരണവും നടന്നു.
5 – 4 – 2023 ബുധനാഴ്ച
=============
രാവിലെ 5 മണി നടതുറന്ന് ഉത്സവ ചടങ്ങുകൾ
11 മണി അക്ഷരശ്ലോക സദസ്സ്
വൈകുന്നേരം 5 മണി കേളികൊട്ട് , മേളപ്രദക്ഷിണം
6. 30 ദീപാരാധന
തിടമ്പ് നൃത്തം – (നവനീത് നമ്പൂതിരി , പയ്യന്നൂർ )
തുടർന്ന് തായമ്പക ,
പി.വി. രാധാകൃഷ്ണൻ എടക്കാട് അവതരിപ്പിക്കുന്ന ഓട്ടൻതുള്ളൽ
രാത്രി അന്നദാനം