പേരാവൂര്‍:പേരാവൂര്‍ ഗ്രാമപഞ്ചായത്ത് ഒന്നാം വാര്‍ഡ് മേല്‍ മുരിങ്ങോടിയിലെ ഉപതെരഞ്ഞെടുപ്പ് വോട്ടെടുപ്പ് ആരംഭിച്ചു .മുരിങ്ങോടി ശ്രീ ജനാർദ്ദന എൽ പി സ്കൂളിൽ പ്രത്യേകം സജ്ജീകരിച്ച രണ്ട് ബൂത്തുകളിലാണ് വോട്ടെടുപ്പ് നടക്കുന്നത്.1432 വോട്ടർമാരാണ് തങ്ങളുടെ സമ്മതിദാനവകാശം വിനിയോഗിക്കുക .രാവിലെ 7 മണി ആരംഭിച്ച വോട്ടെടുപ്പ് വൈകിട്ട് 5 മണിക്ക് സമാപിക്കും.
വാര്‍ഡ് മെമ്പറായിരുന്ന രാജീവന്‍ മാസ്റ്റര്‍ രാജിവച്ച ഒഴിവിലേക്കാണ് ഉപതെരഞ്ഞെടുപ്പ് നടക്കുന്നത്.എൽ ഡി എഫ് സ്ഥാനാർത്ഥിയായി ടി രഗിലാഷ് , യു ഡി എഫ് സ്വതന്ത്ര സ്ഥാനാർത്ഥിയായി സുഭാഷ് മാസ്റ്റർ ,എൻ ഡി എ സ്ഥാനാർത്ഥിയായി അരുൺ വേണു എന്നിവരാണ് മുന്നണികളെ പ്രതിനിധീകരിച്ച് മത്സരിക്കുന്നത് . രണ്ട് സ്വന്തന്ത്ര സ്ഥാനാർത്ഥികളടക്കം 5 പേർ ഉപതെരഞ്ഞെടുപ്പിൽ മത്സരിക്കുന്നു .ബുധനാഴ്ച പേരാവൂർ ഗ്രാമ പഞ്ചായത്ത് ഓഫിസിൽ വെച്ച് വോട്ടെണ്ണൽ നടക്കും