നാലാം ശനിയാഴ്ച അവധിയാക്കുന്നതിനുള്ള നിർദേശം സർക്കാർ ഉപേക്ഷിക്കുന്നു. നേരത്തെ ചീഫ് സെക്രട്ടറി വിളിച്ചു ചേർത്ത യോഗത്തിൽ ഭരണാനുകൂല സർവീസ് സംഘടനകൾ നാലാംശനി അവധി നൽകുന്നതിനുള്ള നിർദേശത്തെ എതിർത്തിരുന്നു.നിർദേശം മുഖ്യമന്ത്രിയും തള്ളി.
നാലാം ശനി അവധി നൽകി, പകരം ജോലി സമയം ഉയർത്തുകയും കാഷ്വൽ ലീവിന്‍റെ എണ്ണം 20 ൽ നിന്നു 18 ആക്കി കുറയ്ക്കാനും ഭരണപരിഷ്കാര കമ്മീഷൻ സർക്കാരിനോടു ശിപാർശ ചെയ്തിരുന്നു. ബാങ്കുകളുടെ മാതൃകയിൽ നാലാംശനി അവധി നൽകാനായിരുന്നു നിർദേശം.