പേരാവൂർ: മേൽമുരിങ്ങോടി ഉപതിരഞ്ഞെടുപ്പിൽ പത്രിക പിൻവലിക്കേണ്ട സമയം കഴിഞ്ഞതോടെ സ്ഥാനാർത്ഥികളുടെ അന്തിമ ചിത്രം തെളിഞ്ഞു.മൂന്ന് മുന്നണികളുടെയും സ്ഥാനാർത്ഥികൾക്ക് പുറമെ രണ്ട് സ്വതന്ത്രരടക്കം അഞ്ചു പേരാണ് മത്സര രംഗത്തുള്ളത്.
രഗിലാഷ് ടി (എൽ.ഡി എഫ് / അരിവാൾ ചുറ്റിക നക്ഷത്രം), സുഭാഷ് മാസ്റ്റർ ( യു.ഡി.എഫ് സ്വത: / മൊബൈൽ ഫോൺ ),അരുൺ വേണു(എൻ.ഡിഎ/ താമര ), സുഭാഷ് കെ.പി (സ്വത:/ക്യാമറ), സുഭാഷ് കക്കണ്ടി (സ്വത:/ജനൽ ) എന്നിവരാണ് അന്തിമ സ്ഥാനാർത്ഥി പട്ടികയിലുള്ളത്.
യു.ഡി.എഫ് സ്വതന്ത്ര സ്ഥാനാർത്ഥിയായി മത്സരിക്കുന്ന സുഭാഷ് മാസ്റ്റർക്കെതിരെ രണ്ട് അപരന്മാർ മത്സര രംഗത്തുള്ളതാണ് തിരഞ്ഞെടുപ്പിലെ സവിശേഷത. എൽ.ഡി.എഫിൽ സി.പി.എമ്മിൻ്റെ ഉറച്ച സീറ്റുകളിലൊന്നായാണ് മേൽമുരിങ്ങോടി വാർഡ് അറിയപ്പെടുന്നത്. യു.ഡി.എഫ് സ്ഥാനാർത്ഥിക്കെതിരെ അപരന്മാരെ നിർത്തിയത് എതിർ ക്യാമ്പ് പ്രചരണ വിഷയമാക്കുന്നുണ്ട്. 28-നാണ് വോട്ടെടുപ്പ്.