എംജി സര്വകലാശാലയിലെ സ്കൂള് ഓഫ് മെഡിക്കല് എഡ്യുക്കേഷനില് നിന്നു പിരിച്ചുവിട്ട സ്കില്ഡ് ലാബ് അസിസ്റ്റന്റ് ജീവനക്കാര്ക്കുള്ള ആനുകൂല്യങ്ങള് രണ്ടാഴ്ചയ്ക്കകം നല്കാന് ഹൈക്കോടതി സര്വകലാശാല രജിസ്ട്രാര്ക്കു നിര്ദേശം നല്കി.
അല്ലാത്തപക്ഷം ഫെബ്രുവരി എട്ടിനു കോടതിയലക്ഷ്യ ഹര്ജി പരിഗണിക്കുമ്പോള് രജിസ്ട്രാര് നേരിട്ടു ഹാജരാകണമെന്നും ജസ്റ്റീസ് ഷാജി പി. ചാലിയുടെ ഉത്തരവില് പറയുന്നു. പിരിച്ചുവിട്ട പത്ത് സ്കില്ഡ് ലാബ് അസിസ്റ്റന്റുമാര് നല്കിയ കോടതിയലക്ഷ്യ ഹര്ജിയിലാണ് ഈ ഉത്തരവ്.