ബസും കാറും കൂട്ടിയിടിച്ച് കാര്‍ യാത്രക്കാരായ നാല് പേര്‍ മരിച്ചു. തൃശൂര്‍ എറവ് സ്‌ക്കൂളിനു സമീപമാണ് സംഭവം. തൃശൂര്‍ സെന്റ് തോമസ്
കോളേജിലെ റിട്ട. പ്രൊഫ. എല്‍തുരുത്ത് പുളിക്കല്‍ വിന്‍സെന്റും ഭാര്യ കൊച്ചുമേരിയും തോമസിന്റെ സഹോദരന്‍ ജോസഫ്, സഹോദരിയുടെ ഭര്‍ത്താവ് തോമസ് എന്നിവരാണ് മരിച്ചത്.
രണ്ട് പേരുടെ മൃതദേഹം അശ്വിനി ആശുപത്രിയിലും രണ്ടുപേരുടെ മൃതദേഹം തൃശൂര്‍ ജനറല്‍ ആശൂപത്രിയിലും സൂക്ഷിച്ചിട്ടുണ്ട്. കാര്‍ പൂര്‍ണമായും തകര്‍ന്നു. മരണാനന്തര ചടങ്ങില്‍ പോയി മടങ്ങുമ്പോഴാണ് അപകടത്തില്‍പ്പെട്ടത്. തിങ്കള്‍ ഉച്ചക്കാണ് അപകടം.