ഇരിട്ടി: അന്ധവിശ്വാസങ്ങൾ അനാചാരങ്ങളകറ്റാൻ, ശാസ്ത്ര വിചാരം പുലരാൻ എന്ന സന്ദേശവുമായി സംസ്ഥാന ലൈബ്രറി കൗൺസിൽ നടത്തുന്ന ജനചേതനാ ജാഥക്ക് ശനിയാഴ്ച ഇരിട്ടിയിൽ സ്വീകരണം നൽകുമെന്ന് സംഘാടകർ പത്ര സമ്മേളനത്തിൽ അറിയിച്ചു.
ഡോ. കെ. വി. കുഞ്ഞികൃഷ്ണൻ ക്യാപ്റ്റനായ ഉത്തരമേഖല ജാഥ ഉച്ചക്ക് 2 മണിക്ക് ഇരിട്ടിയിൽ എത്തിച്ചേരും. കൗൺസിലിൽ അഫിലിയേറ്റ് ചെയ്ത 101 ഗ്രന്ഥശാലകളിൽ നിന്നായി 1500 പേർ ഇരിട്ടി ഇ.കെ. നായനാർ ഓഡിറ്റോറിയത്തിൽ നടക്കുന്ന സ്വീകരണ പരിപാടിയിൽ പങ്കെടുക്കും. സ്വീകരണത്തിന്റെ പ്രചരണാർത്ഥം താലൂക്ക് പരിധിയിലെ 11 പഞ്ചായത്തുകളിലും 2 നഗ രസഭകളിലും നേതൃസമിതിയുടെ നേതൃത്വത്തിൽ വിളംബര റാലി സംഘടിപ്പിക്കുമെന്നും സംഘാടകർ പറഞ്ഞു.
പത്ര സമ്മേളനത്തിൽ രക്ഷാധികാരി കെ. മോഹനൻ, ജനറൽ കൺവീനർ രഞ്ജിത്ത് കമൽ, താലൂക്ക് പ്രസി.പി. കുഞ്ഞികൃഷ്ണൻ, താലൂക്ക് കമ്മറ്റി അംഗം പി. രഘു എന്നിവർ പങ്കെടുത്തു.
previous post