ഇരിട്ടി: കേരള കോണ്‍ഗ്രസ് (എം) സംസ്ഥാന കമ്മിറ്റിയുടെ ആഹ്വാനമ നുസരിച്ച് കേരളത്തിലെ 14 ജില്ലകളിലും നിരവധി കേന്ദ്രങ്ങളില്‍ മയക്കുമരുന്നിനെതിരെയുള്ള മോചന ജ്വാല നടത്തപ്പെടുന്നതിന്റെ ഭാഗമായി പേരാവൂര്‍ നിയോജകമണ്ഡലം കമ്മിറ്റിയുടെ നേതൃത്വത്തില്‍ ഇന്ന് (16-12) 4 ന് ഇരിട്ടി പഴയ ബസ് സ്റ്റാന്റ് പരിസരത്ത് നടത്തും. പ്രതിഷേധ പ്രകടനം, ലഹരി വിരുദ്ധ പ്രതിജ്ഞ, പൊതുയോഗം എന്നിവ ഉണ്ടാകും. ഇന്‍ഫാം ദേശീയ സെക്രട്ടറി ഫാ.ജോസഫ് കാവനാടി ഉദ്ഘാടനം ചെയ്യും. കേരളാ കോണ്‍ഗ്രസ് (എം) നിയോജകമണ്ഡലം പ്രസിഡന്റ് വിപിന്‍ തോമസ് അധ്യക്ഷത വഹിക്കും. സംസ്ഥാന ഹൈപവര്‍ കമ്മിറ്റി അംഗം മാത്യു കുന്നപ്പള്ളി മുഖ്യാതിഥി ആയിരിക്കും. മോചന ജ്വാല തെളിയിച്ചുകൊണ്ടുള്ള പ്രതിജ്ഞ ഗാന്ധിയനും പൊതുപ്രവര്‍ത്തകനുമായ മാത്യു എം. കണ്ടം നിര്‍വഹിക്കും. രാഷ്ട്രീയ സാമൂഹിക സാംസ്‌കാരിക മേഖലകളിലെ പ്രമുഖര്‍ സംസാരിക്കും.
കേരള കോണ്‍ഗ്രസ് (എം) മയക്കുമരുന്നിനെതിരെ മോചന ജ്വാല ഇരിട്ടിയില്‍
