മഹാത്മാഗാന്ധി യൂണിവേഴ്‌സിറ്റിയുടെ ബിസിനസ് ഇന്നോവേഷന്‍ ആന്‍ഡ് ഇന്ക്യുബേഷന് സെന്‍ററും(ബിഐഐസി), 2022ലെ സംസ്ഥാന സര്‍ക്കാരിന്‍റെ ഭിന്നശേഷിക്കാര്‍ക്കുള്ള മികച്ച എന്‍ജിഒയായി തെരഞ്ഞെടുക്കപ്പെട്ട, വി കെയര്‍ സെന്‍റര്‍ കാഞ്ഞിരപ്പള്ളിയും സംയുക്തമായി ഒരുക്കുന്ന പദ്ധതിയാണ് ഐഡിഡി ഹാക്കത്തോൺ. ബൗദ്ധികമായും വളര്‍ച്ചാപരമായും വിഭിന്ന ശേഷിയുള്ളവരെ ലക്ഷ്യം വയ്ക്കുകയാണ് ഐഡിഡി ഹാക്കത്തോൺ വഴി ഉദ്ദേശിക്കുന്നത്.
ബിൽഡ് യുവർ ലോഗോ എന്ന പേരില്‍, രാജ്യാന്തരതലത്തില്‍ നടത്തുന്ന ആശയ രൂപീകരണ പദ്ധതിയുടെ ഉദ്ഘാടനം, ഉന്നത വിദ്യാഭ്യാസ മന്ത്രി ഡോ. ആര്‍ ബിന്ദു നിർവഹിച്ചു. ആദ്യഘട്ടത്തില്‍ ഈ പദ്ധതിയിലൂടെ ഭിന്നശേഷി മേഖലയിലെ പ്രശ്‌നങ്ങള്‍ക്ക് പരിഹാരം ആകുന്ന ആശയങ്ങളുടെ അപേക്ഷകള്‍ സമര്‍പ്പിക്കാം. അപേക്ഷകള്‍ സമര്‍പ്പിക്കേണ്ട അവസാന തീയതി 2023 ജനുവരി 10.
രണ്ടാം ഘട്ടത്തില്‍ സൗത്ത് ഇന്ത്യയിലെ ആദ്യത്തെ ഭിന്നശേഷി മേഖലയിലുള്ള ഒരു സ്റ്റാര്‍ടപ്പ് ഇന്ക്യുബേഷന്, എംജി യൂണിവേഴ്‌സിറ്റിയുടെ ബിസിനസ് ഇന്നോവേഷന്‍ ആന്‍ഡ് ഇന്ക്യുബേഷന് സെന്‍ററിന്‍റെ (BII C) സഹായത്തോടെ, വി കെയര്‍ സെന്‍ററിന് കീഴില്‍ പ്രവര്‍ത്തിക്കുന്ന ഏയ്ഞ്ചൽസ് വില്ലേജില്‍, പ്രവര്‍ത്തനമാരംഭിക്കും. തെരഞ്ഞെടുക്കപ്പെടുന്ന ആശയങ്ങള്‍ നടപ്പിലാക്കുന്നതിന് വേണ്ട സാമ്പത്തിക സാങ്കേതിക സഹായങ്ങള്‍, ഇൻക്യുബേറ്റർ വഴി ലഭ്യമാക്കുന്നതാണ്.
കേരളത്തിന് അകത്തും പുറത്തും ഉള്ള വിവിധ യൂണിവേഴ്‌സിറ്റികള്‍, നാഷണല്‍ ഇന്‍സ്റ്റിറ്റ്യൂട്ടുകള്‍, സ്വകാര്യ ഇന്‍സ്റ്റിറ്റ്യൂട്ടുകൾ പദ്ധതിയില്‍ പങ്കുചേരും.
വിശദവിവരങ്ങള്‍ക്ക് www.idd hackathon.com , iddhackatho [email protected]