കണ്ണൂര് സര്വകലാശാലയിലെ അസോസിയേറ്റ് പ്രഫസറായി മുഖ്യമന്ത്രിയുടെ പ്രൈവറ്റ് സെക്രട്ടറിയുടെ ഭാര്യ പ്രിയ വര്ഗീസിനെ നിയമിക്കാന് നീക്കം നടത്തിയത് ചോദ്യം ചെയ്തുള്ള ഹര്ജിയില് ഹൈക്കോടതി ഇന്ന് വിധി പറയും. ഉച്ചയ്ക്ക് 1.45ന് ജസ്റ്റിസ് ദേവന് രാമചന്ദ്രന് അധ്യക്ഷനായ ബഞ്ചാണ് വിധി പ്രസ്താവിക്കുക.
യുജിസി ചട്ടം ലംഘിച്ചാണ് പ്രിയാ വര്ഗീസിനെ റാങ്ക് പട്ടികയില് ഒന്നാമതാക്കിയതെന്ന് ചൂണ്ടിക്കാട്ടി രണ്ടാം റാങ്കുകാരനായ പ്രഫസര് ജോസഫ് സ്കറിയയാണ് കോടതിയെ സമീപിച്ചത്. കേസില് പ്രിയ വര്ഗീസിനെ കഴിഞ്ഞ ദിവസം ഹൈക്കോടതി രൂക്ഷമായി വിമര്ശിച്ചിരുന്നു.
എന്എസ്എസ് കോര്ഡിനേറ്റര് പദവി അധ്യാപന പരിചയത്തിന്റെ ഭാഗമല്ല. എന്എസ്എസിന് പോയി കുഴിവെട്ടിയതൊന്നും അധ്യാപന പരിചയമാകില്ലെന്ന് കോടതി പറഞ്ഞു. അധ്യാപനം എന്നത് ഗൗരവമുള്ള ജോലിയാണെന്നും കോടതി ഓര്മിപ്പിച്ചു.
പ്രിയയ്ക്ക് മതിയായ അധ്യാപന പരിചയമില്ലെന്ന് യുജിസിയും കോടതിയെ അറിയിച്ചിരുന്നു.