വയനാട്; പോക്സോ കേസ് അതിജീവിതയെ പോലീസുകാരന് പീഡിപ്പിക്കാന് ശ്രമിച്ച സംഭവത്തില് കര്ശന നടപടി വേണമെന്ന് പെണ്കുട്ടിയുടെ കുടുംബം. അമ്പലവയല് എഎസ്ഐക്കെതിരായ പോലീസ് അന്വേഷണത്തില് വിശ്വാസമില്ലെന്നും കുടുംബം പറഞ്ഞു.
തെളിവെടുപ്പിനിടെ ഊട്ടിയിലേക്ക് കൊണ്ടുപോയപ്പോഴാണ് എഎസ്ഐ പെണ്കുട്ടിയോട് അപമര്യാദയായി പെരുമാറിയത്. സംഭവം പുറത്ത് പറയരുതെന്ന് ഇയാള് കുട്ടിയോട് ആവശ്യപ്പെട്ടെന്നും പെണ്കുട്ടിയുടെ പിതാവ് പറഞ്ഞു.
അമ്പലവയല് എഎസ്ഐക്കെതിരെ നിലവില് നടക്കുന്ന അന്വേഷത്തില് വിശ്വാസമില്ല. ഇയാളുടെ അറസ്റ്റ് വൈകുന്നതില് പ്രതിഷേധമുണ്ടെന്നും തന്റെ മകള്ക്ക് നീതികിട്ടണമെന്നും പിതാവ് പറഞ്ഞു.
കഴിഞ്ഞ ജൂലൈ 26നാണ് കേസിന് ആസ്പദമായ സംഭവം. പോക്സോ കേസിലെ അതിജീവിതയായ പതിനാറുകാരിയെ ഊട്ടിയില് തെളിവെടുപ്പിന് കൊണ്ടുപോകുന്നതിനിടെ പെണ്കുട്ടിയുടെ ദൃശ്യങ്ങള് ഫോണില് പകര്ത്തുകയും കൈയില് കയറി പിടിക്കുകയുമായിരുന്നു.
സംഭവത്തില് അമ്പലവയല് എഎസ്ഐ ടി.ജി.ബാബുവിനെ സസ്പെന്ഡ് ചെയ്തിരുന്നു. ഇയാളെ ഉടന് അറസ്റ്റ് ചെയ്തേക്കുമെന്നാണ് സൂചന.