തമിഴ്നാട്ടിൽ കനത്ത മഴ തുടരുന്ന സാഹചര്യത്തിൽ പല ജില്ലകളിലും റെഡ് അലർട്ട് പ്രഖ്യാപിച്ച് കാലാവസ്ഥാ നിരീക്ഷണ വകുപ്പ്. വെള്ളക്കെട്ടിനെത്തുടർന്ന് ചെന്നൈ നഗരത്തിലെ താഴ്ന്ന പ്രദേശങ്ങളിൽ ഗതാഗതം തടസപ്പെട്ടു.
ശിവഗംഗ, തേനി, ഡിണ്ടിഗൽ, രാമനാഥപുരം ജില്ലകളിൽ വെള്ളപ്പൊക്ക സാധ്യതയുള്ളതായി അധികൃതർ അറിയിച്ചു. വൈഗ അണക്കെട്ടിന്റെ ഷട്ടറുകൾ തുറന്നതിനാൽ പ്രദേശത്തുള്ളവർ ജാഗ്രത പാലിക്കണമെന്ന് മുന്നറിയിപ്പ് നൽകി. ബംഗാൾ ഉൾക്കടലിൽ രൂപപ്പെട്ട ചക്രവാതചുഴി മൂലം നവംബർ 15 വരെ സംസ്ഥാനത്ത് കനത്ത മഴ അനുഭവപ്പെടുമെന്ന് വിദഗ്ധർ അറിയിച്ചു.