കണ്ണൂർ: വിവാഹാഭ്യർഥന നിരസിച്ചതിന്റെ പേരിൽ അയൽവാസി തന്നെയും അമ്മയെയും നിരന്തരം ഭീഷണിപ്പെടുത്തുകയാണെന്ന യുവതിയുടെ പരാതിയിൽ അടിയന്തര നടപടി സ്വീകരിക്കാൻ മനുഷ്യാവകാശ കമ്മീഷൻ ഉത്തരവ്. കണ്ണവം പോലീസ് ഇൻസ്പെക്ടർക്കാണ് കമ്മീഷൻ ജുഡീഷൽ അംഗം കെ. ബൈജുനാഥ് ഉത്തരവ് നൽകിയത്. രണ്ടാഴ്ചക്കകം അന്വേഷണറിപ്പോർട്ട് സമർപ്പിക്കണം. കേസ് ഡിസംബർ 25ന് കണ്ണൂരിൽ നടക്കുന്ന സിറ്റിംഗിൽ പരിഗണിക്കും.
അക്കര വട്ടോളി സ്വദേശിയായ സനീഷ് നെല്ലിയാടനെതിരേ ചിറ്റാരിപ്പറമ്പ് സ്വദേശിനി സമർപ്പിച്ച പരാതിയിലാണ് നടപടി. ഇയാൾ പരാതിക്കാരിയുടെ വീടിന്റെ ജനൽച്ചില്ലുകൾ തകർത്ത് ആക്രമിച്ചെന്നും പരാതിയിലുണ്ട്.
previous post