കണ്ണൂര്‍: തലശേരിയില്‍ യുവാവിന്‍റെ ചവിട്ടേറ്റ് ആശുപത്രിയില്‍ കഴിയുന്ന ആറു വയസുകാരനെ ഉപദ്രവിച്ച രണ്ടാമത്തെയാളും കസ്റ്റഡിയില്‍. തലശേരി പോലീസാണ് ഇയാളെ കസ്റ്റഡിയിലെടുത്തത്.
ഇയാളെ പോലീസ് ചോദ്യം ചെയ്തു വരികയാണ്. സംഭവത്തില്‍ കുട്ടിയുടെ മൊഴി പോലീസ് വീണ്ടും രേഖപ്പെടുത്തി.
വഴിപോക്കനായ ഒരാള്‍ കുട്ടിയുടെ തലയ്ക്കടിക്കുന്ന ദൃശ്യങ്ങള്‍ ഇന്ന് രാവിലെയാണ് പുറത്ത് വന്നത്. നിര്‍ത്തിയിട്ടിരുന്ന കാറിലേയ്ക്ക് നോക്കിനില്‍ക്കുന്ന കുട്ടിയെ തലയ്ക്കടിച്ച ശേഷം ഷര്‍ട്ടിന്‍റെ കോളറില്‍പിടിച്ച് വലിച്ചു മാറ്റുന്ന ഹൃദയഭേദകമായ ദൃശ്യമാണ് പുറത്തുവന്നത്.
കാറില്‍ ചാരി നിന്നതിന് കുട്ടിയെ ചവിട്ടിയ കേസില്‍ അറസ്റ്റിലായ മുഹമ്മദ് ഷിഹ്ഷാദ് കുട്ടിയുടെ തലയ്ക്കടിക്കുന്ന ദൃശ്യങ്ങളും പുറത്തുവന്നിരുന്നു.