ബംഗാൾ ഉൾക്കടലിൽ രൂപപ്പെട്ട ന്യൂനമർദത്തിന്റെ സ്വാധീനം സംസ്ഥാനത്തു ദുർബലമായതായി കാലാവസ്ഥാ നിരീക്ഷണ കേന്ദ്രം. നിലവിൽ ബംഗ്ലാദേശ് തീരത്തേക്കു നീങ്ങുന്ന ന്യൂനമർദം കേരളത്തിൽ വലിയ മഴയ്ക്കു കാരണമാകില്ലെന്നാണ് വിലയിരുത്തൽ.
ഈ പശ്ചാത്തലത്തിൽ വരും ദിവസങ്ങളിൽ സംസ്ഥാനത്ത് നൽകിയിരുന്ന മഴ മുന്നറിയിപ്പുകൾ പിൻവലിച്ചു. ബുധനാഴ്ച വരെ സംസ്ഥാനത്ത് എവിടെയും മുന്നറിയിപ്പുകൾ ഇല്ലെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.
അതേസമയം കാലവർഷത്തിന്റെ ഭാഗമായുള്ള മഴ സംസ്ഥാനത്തു തുടരും. തിങ്കളാഴ്ചയോടെ കാലവർഷം പിൻവാങ്ങുമെന്നും ഇതിനു തൊട്ടുപിന്നാലെ തുലാവർഷം സംസ്ഥാനത്തു പെയ്തു തുടങ്ങുമെന്നുമാണ് കാലാവസ്ഥാ നിരീക്ഷണ കേന്ദ്രത്തിന്റെ നിലവിലെ നിഗമനം.