എടൂർ: കാരാപറമ്പ് ആവിലാസദൻ കർമലീത്ത ആശ്രമദേവാലയത്തിൽ വിശുദ്ധ അമ്മത്രേസ്യായുടെ തിരുനാൾ തുടങ്ങി. ആശ്രമശ്രേഷ്ഠൻ ഫാ. റാഫ്സൺ പീറ്റർ കൊടിയേറ്റി. ഫാ. സുഭാഷ് പരുത്തിയിൽ തിരുനാൾ കുർബാനയ്ക്ക് മുഖ്യകാർമിത്വം വഹിച്ചു. ഫാ. സെബാസ്റ്റ്യൻ പള്ളിപ്പറമ്പിൽ വചനസന്ദേശം നൽകി. തുടർന്ന് വാഹന വെഞ്ചിരിപ്പ് നടന്നു. ഇന്നു രാവിലെ 7.30 ന് പീഢാനുഭവ തിരുമണിക്കൂർ ശ്രുശ്രൂഷകൾ ആരംഭിക്കും. തുടർന്ന് നടക്കുന്ന തിരുനാൾ കുർബാനയ്ക്ക് ഫാ. ഫ്രാൻസൺ ചേരമാൻ തുരുത്തിൽ മുഖ്യകാർമികത്വം വഹിക്കും. നാളെ നടക്കുന്ന തിരുക്കർമങ്ങൾക്ക് കോഴിക്കോട് രൂപത വികാരി ജനറാൾ മോൺ. ജെൻസൺ പുത്തൻവീട്ടിൽ മുഖ്യകാർമികത്വം വഹിക്കും. തുടർന്ന് ഉരുൾ നേർച്ച നടക്കും. പ്രധാന തിരുനാൾ ദിനമായ 15ന് രാവിലെ 8.30 ന് ജപമാലയോടെ തിരുനാൾ ശുശ്രൂഷകൾ ആരംഭിക്കും. തിരുനാൾ കുർബാനയ്ക്ക് ആശ്രമശ്രേഷ്ഠൻ ഫാ. റാഫ്സൺ പീറ്റർ മുഖ്യകാർമികത്വം വഹിക്കും. പേരാവൂർ മൗണ്ട് കാർമൽ ധ്യാന കേന്ദ്രം ഡയറക്‌ടർ ഫാ. തോമസ് കുഴിയാലിൽ വചനസന്ദേശം നൽകും. തുടർന്ന് തിരുസ്വരൂപം വഹിച്ചുകൊണ്ടുള്ള പ്രദക്ഷിണം.12.30ന് ഊട്ടുനേർച്ച. തിരുനാൾ 20ന് സമാപിക്കും.
ആവിലാസദനിൽ അമ്മത്രേസ്യയുടെ തിരുനാൾ
