ഇടുക്കി മറയൂരില്‍ ആദിവാസി യുവാവിനെ കമ്പി വായിൽ കുത്തിക്കേറ്റി കൊലപ്പെടുത്തിയ നിലയിൽ കണ്ടെത്തി. മറയൂര്‍ പെരിയകുടിയില്‍ രമേശ് (27) ആണ് കൊല്ലപ്പെട്ടത്. രമേശിന്റെ ബന്ധുവായ സുരേഷാണ് കൊല നടത്തിയതെന്ന് പൊലീസ് പറഞ്ഞു. കമ്പി വടി കൊണ്ട് തലയ്ക്ക് അടിച്ചും കമ്പി വായില്‍ കുത്തിക്കയറ്റിയുമാണ് കൊലപാതകം നടത്തിയത് എന്നാണ് വിവരം. സുരേഷ് ഒളിവിലാണ്.
സ്വത്ത് തര്‍ക്കമാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം.വീട്ടിലാണ് മൃതദേഹമുള്ളത്. ഫോറന്‍സിക് വിദഗ്ധരും ഉന്നത പൊലീസ് ഉദ്യോഗസ്ഥരും വീട്ടിലെത്തി പരിശോധന നടത്തിയശേഷം മറ്റു നടപടികളിലേക്ക് കടക്കും.