കാലവർഷ ക്കാലം അവസാനിക്കാൻ പത്തു ദിവസം ബാക്കി നിൽക്കെ സംസ്ഥാനത്ത് 11 ശതമാനം മഴക്കുറവ്. ജൂണ്‍ ഒന്നു മുതൽ സെപ്റ്റംബർ 30 വരെ നീളുന്ന കാലവർഷക്കാലത്ത് 2049.2 മില്ലീമീറ്റർ മഴയാണ് കേരളത്തിൽ പെയ്യേണ്ടത്. എന്നാൽ, ഇന്നലെ വരെ സംസ്ഥാനത്തു പെയ്തത് 1730.5 മില്ലീമീറ്റർ മാത്രമാണ്.
ആലപ്പുഴ, തിരുവനന്തപുരം ഒഴികെയുള്ള ജില്ലകളിൽ മഴക്കുറവ് 20 ശതമാനത്തിലും താഴെയാണ്. ആലപ്പുഴയിൽ ഇന്നലെ വരെ 26 ശതമാനം മഴക്കുറവും തിരുവനന്തപുരം ജില്ലയിൽ 24 ശതമാനം മഴക്കുറവുമാണു രേഖപ്പെടുത്തിയിരിക്കുന്നത്.
ഇന്നലെ വരെ സംസ്ഥാനത്തു പെയ്ത മഴയുടെ കണക്ക് ജില്ല തിരിച്ച് മില്ലീമീറ്ററിൽ, ജില്ല-പെയ്ത മഴ(പെയ്യേണ്ടിയിരുന്ന മഴ) എന്ന ക്രമത്തിൽ.
ആലപ്പുഴ-1152.1(1555.5)
കണ്ണൂർ-2328.5(2552.3)
എറണാകുളം-1741.3(2012.9)
ഇടുക്കി-2168.9(2459.1)
കാസർഗോഡ്-2754.6(2774.1) കൊല്ലം-996.5(1175.3)
കോട്ടയം-1606.1(1812.4)
കോഴിക്കോട്-2248.6(2481.5)
മലപ്പുറം-1625.7(1881.1)
പാലക്കാട്-1460(1490.9)
പത്തനംതിട്ട-1322.7(1474.9)
തിരുവനന്തപുരം-592.4(778.4)
തൃശൂർ-1727.8(2047.3)
വയനാട്-2259.2(2401.2).