പതിനഞ്ചു വര്‍ഷം കഴിഞ്ഞ വാഹനങ്ങളുടെ രജിസ്‌ട്രേഷന്‍ പുതുക്കുന്നതിനും ഫിറ്റ്നെസ് ടെസ്റ്റിനും അമിത ഫീസ് ഈടാക്കുന്നെന്ന ഹര്‍ജിയില്‍ കേന്ദ്ര സംസ്ഥാന സര്‍ക്കാരുകള്‍ക്ക് നോട്ടീസ്.
അമിത ഫീസാണ് ഈടാക്കുന്നതെന്നാരോപിച്ച് കോഴിക്കോട് വടകര കേന്ദ്രമായുള്ള മോട്ടോര്‍ വെഹിക്കിള്‍ ഓണേഴ്സ് ആന്‍ഡ് ഡ്രൈവേഴ്സ് ഫെഡറേഷനടക്കം നല്‍കിയ ഹര്‍ജികളിലാണ് ജസ്റ്റീസ് അമിത് റാവലിന്‍റെ ഇടക്കാല ഉത്തരവ്.
ഹര്‍ജികള്‍ ഒക്ടോബര്‍ 18 നു വീണ്ടും പരിഗണിക്കും. അതുവരെ ഹര്‍ജിക്കാരില്‍നിന്ന് ഉയര്‍ന്ന ഫീസ് ഈടാക്കുന്നതിന് സ്റ്റേ അനുവദിച്ചിട്ടുണ്ട്. രജിസ്‌ട്രേഷന്‍ പുതുക്കുന്നതിനും ഫിറ്റ്നെസ് ടെസ്റ്റിനും ഫീസ് വര്‍ധിപ്പിച്ച് അടുത്തിടെ വിജ്ഞാപനം ഇറക്കിയിരുന്നു. ഇതിനെ ചോദ്യം ചെയ്താണ് ഹര്‍ജിക്കാര്‍ ഹൈക്കോടതിയെ സമീപിച്ചത്