സഹപാഠിയുടെ അനുജത്തിയെ പീഡിപ്പിച്ച യുവാവ് അറസ്റ്റിൽ

കുന്നിക്കോട്: മുൻ സഹപാഠിയുടെ പതിനാറുകാരിയായ അനുജത്തിയെ അവരുടെ വീട്ടിൽ താമസിച്ചു പീഡിപ്പിച്ച സംഭവത്തിൽ യുവാവ് അറസ്റ്റിലായി.തലവൂർ പാണ്ടിത്തിട്ട ചരുവംമുക്ക് പന്തപ്ലാവിൽ പടിഞ്ഞാറ്റതിൽ അനന്ദു(25)വാണ് അറസ്റ്റിലായത്.ഓട്ടോറിക്ഷ തൊഴിലാളിയായ യുവാവ് മുൻ സഹപാഠിയുടെ അനുജത്തിയുമായി പെൺകുട്ടിയുടെ മുത്തശ്ശിക്കൊപ്പം ഇക്കഴിഞ്ഞ ജൂലായ് 28 മുതൽ പെൺകുട്ടിയുടെ വീട്ടിൽ താമസം തുടങ്ങിയിരുന്നു. ഇതിനിടെ അവിടെ ബന്ധുക്കൾ ശല്യപ്പെടുത്തുന്നതായി ആരോപിച്ച് ഇയാൾ പെൺകുട്ടിയോടൊപ്പം എസ്.പി. ഓഫീസിൽ പരാതിപറയാനെത്തി. ഈ സമയത്താണ് പെൺകുട്ടിക്ക് പ്രായപൂർത്തിയായിട്ടില്ലെന്നു കണ്ടെത്തിയത്. തുടർന്ന് കുന്നിക്കോട് പോലീസ് നടത്തിയ അന്വേഷണത്തിലാണ് അറസ്റ്റ്.