തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിൽ ഇന്ന് അതിതീവ്രമഴ പെയ്യുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. നാലു ജില്ലകളിലും 24 മണിക്കൂറിൽ 20 സെന്‍റിമീറ്ററിൽ കൂടുതൽ മഴ പെയ്യുമെന്നാണു പ്രവചനം.
ആലപ്പുഴ, കോട്ടയം, എറണാകുളം ജില്ലകളിൽ ഒറ്റപ്പെട്ട കനത്ത മഴയ്ക്കും മറ്റു ജില്ലകളിൽ ഒറ്റപ്പെട്ട സ്ഥലങ്ങളിൽ കനത്ത മഴയ്ക്കും സാധ്യതയുണ്ട്. ബംഗാൾ ഉൾക്കടലിൽ കന്യാകുമാരിക്കും മാലദ്വീപിനുമിടയിൽ ന്യൂനമർദ പ്രവാഹം നിലനിൽക്കുന്നതിനാലാണ് ഇന്നു കനത്ത മഴ തെക്കൻ ജില്ലകളിൽ പ്രവചിക്കുന്നത്.