ഓണക്കിറ്റ് വിതരണത്തിന് റേഷൻ കടകൾ ഞായറാഴ്ചയും തുറന്നു പ്രവർത്തിച്ചു. അവധി ദിനമായതിനാൽ കിറ്റ് വാങ്ങാന് വലിയ തിരക്കാണ് ജില്ലയിലെ റേഷൻകടയിലെല്ലാം അനുഭവപ്പെട്ടത്. നിശ്ചയിക്കപ്പെട്ട തീയതികളിൽ കിറ്റ് വാങ്ങാൻ കഴിയാത്ത കാർഡ് ഉടമകളാണ് ഞായറാഴ്ച കിറ്റ് വാങ്ങാനായി റേഷൻ കടകളിൽ എത്തിയത്. ആഗസ്ത് 23 മുതൽ സെപ്തംബർ മൂന്നു വരെയാണ് വിവിധ കാർഡ് ഉടമകൾക്ക് സൗജന്യ കിറ്റ് നൽകിയിരുന്നത്. കിറ്റ് വാങ്ങാൻ കഴിയാത്ത കാർഡ് ഉടമകൾക്ക് ഞായർ മുതൽ ബുധൻ വരെ കിറ്റ് വിതരണം ചെയ്യും.