പരീക്ഷയ്ക്കെത്തിയ വിദ്യാർഥിനികളുടെ ഉൾവസ്ത്രം അഴിപ്പിച്ച്‌ പരിശോധന നടത്തി വിവാദമായ നീറ്റ് പരീക്ഷ വീണ്ടും നടത്തി. കൊല്ലം ആയൂർ മാർത്തോമ എൻജിനിയറിങ് കോളേജിൽ പരീക്ഷയ്ക്കെത്തിയ വിദ്യാർഥികൾക്കായാണ് കൊല്ലം എസ്എൻ പബ്ലിക് സ്കൂളിൽ ഞായർ പകൽ രണ്ടിന്‌ പരീക്ഷ നടത്തിയത്. ജൂലൈ 17ന് പരീക്ഷയെഴുതാൻ എത്തിയ പെൺകുട്ടികളുടെ ഉൾവസ്ത്രം അഴിപ്പിച്ച്‌ പരിശോധിച്ചതിൽ കുട്ടികളും രക്ഷിതാക്കളും പൊലീസിൽ പരാതി നൽകിയിരുന്നു. പരീക്ഷാ നടത്തിപ്പുകാർക്ക് വീഴ്ചയുണ്ടായെന്ന് അന്വേഷണസമിതി കണ്ടെത്തി.
360 കുട്ടികൾ രജിസ്റ്റർചെയ്‌തതിൽ നൂറിൽതാഴെ പേരാണ് പരീക്ഷ എഴുതിയത്. നാലു ദിവസം മുമ്പാണ് കുട്ടികൾക്ക് ഇ മെയിൽ അറിയിപ്പ് ലഭിച്ചത്.പലരും മറ്റുകോഴ്‌സുകൾക്ക് പ്രവേശനവും നേടിയിരുന്നു.