കണ്ണൂർ സെൻട്രൽ ജയിലിൽ മട്ടൻ ബിരിയാണി ഉത്പാദനം വീണ്ടും തുടങ്ങി. സെൻട്രൽ ജയിലിന് മുന്നിലെ കൗണ്ടർ മുഖേനയുള്ള മട്ടൻ ബിരിയാണി വിൽപ്പന കോവിഡ് കാലത്ത് നിർത്തി വെച്ചതായിരുന്നു. ഉപഭോക്താക്കളുടെ നിരന്തമായ ആവശ്യം കണക്കിലെടുത്താണ് വീണ്ടും വിൽപ്പന തുടങ്ങിയതെന്ന് ജയിൽ അധികൃതർ പറഞ്ഞു.
നൂറ് രൂപയാണ് വില. ചിക്കൻ ബിരിയാണിക്ക് 65 രൂപയും. പ്രതിദിനം നൂറോളം മട്ടൻ ബിരിയാണികളാണ് വിറ്റു പോകുന്നത്. ചിക്കൻ ബിരിയാണിയുടെയും ചപ്പാത്തിയുടെയും വിൽപ്പന ഇപ്പോൾ സാധാരണ നിലയിലായി. പ്രതിദിനം 25,000 ചപ്പാത്തികൾ ഇപ്പോൾ വിൽക്കുന്നുണ്ട്.