ബഫർ സോൺ 10 കിലോമീറ്റർ വേണമെന്ന മന്ത്രി പി. പ്രസാദിന്‍റെ ഹര്‍ജി വിനയാകും

ബ​ഫ​ര്‍ സോ​ണ്‍ വി​ഷ​യ​ത്തി​ല്‍ കേ​ര​ളം പ്ര​തി​ഷേ​ധാ​ഗ്‌​നി​യി​ല്‍ ജ്വ​ലി​ക്കു​മ്പോ​ള്‍ സി​പി​ഐ നേ​താ​വും കൃഷിമ​ന്ത്രി​യു​മാ​യ പി. ​പ്ര​സാ​ദ് ദേ​ശീ​യ ഗ്രീ​ന്‍ ട്രൈ​ബ്യൂ​ണ​ലി​ല്‍ ന​ല്‍കി​യി​രി​ക്കു​ന്ന ഹ​ര്‍ജി ആ​ശ​ങ്ക വ​ര്‍ധി​പ്പി​ക്കു​ന്നു.

മ​ന്ത്രി​യാ​കു​ന്ന​തി​നു മു​മ്പ് 2017 ന​വം​ബ​ര്‍ 13ന് ​പി. പ്ര​സാ​ദ്, മ​റ്റ​പ്പ​ള്ളി, നൂ​റ​നാ​ട്, ആ​ല​പ്പു​ഴ എ​ന്ന വി​ലാ​സ​ത്തി​ലാ​ണ് ഗ്രീ​ന്‍ ട്രൈ​ബ്യൂ​ണ​ലി​ല്‍ ഫ​യ​ല്‍ ചെ​യ്ത​ത്. കേ​ര​ള​ത്തി​ലെ വ​ന്യ​ജീ​വി സ​ങ്കേ​ത​ങ്ങ​ള്‍ക്കും ദേ​ശീ​യ ഉ​ദ്യാ​ന​ങ്ങ​ള്‍ക്കും ചു​റ്റു​മു​ള്ള 10 കി​ലോ മീ​റ്റ​ര്‍ പ്ര​ദേ​ശം ബ​ഫ​ര്‍ സോ​ണാ​യി പ്ര​ഖ്യാ​പി​ക്ക​ണ​മെ​ന്നാ​ണ് പ്ര​സാ​ദി​ന്‍റെ ഹ​ർ​ജി​യി​ലെ ആ​വ​ശ്യം.

ബ​ഫ​ർ സോ​ൺ വി​ഷ​യ​ത്തി​ലെ സു​പ്രീം​കോ​ട​തി വി​ധി മ​റി​ക​ട​ക്കാ​ൻ സം​സ്ഥാ​ന സ​ർ​ക്കാ​ർ പ​രി​ശ്ര​മി​ക്കു​മെ​ന്നു പ​റ​യു​ന്ന​തി​ലെ പൊ​ള്ള​ത്ത​ര​മാ​ണ് പ്ര​സാ​ദി​ന്‍റെ ഹ​ർ​ജി ഇ​പ്പോ​ഴും പി​ൻ​വ​ലി​ക്ക​പ്പെ​ട്ടി​ട്ടി​ല്ല എ​ന്ന​തു വ‍്യ​ക്ത​മാ​ക്കു​ന്ന​ത്. ബ​ഫ​ർ സോ​ൺ വി​ഷ​യ​ത്തി​ൽ നി​ർ​ണാ​യ​ക തീ​രു​മാ​ന​മെ​ടു​ക്കാ​ൻ അ​ധി​കാ​ര​പ്പെ​ട്ട മ​ന്ത്രി​യു​ടെ നി​ല​പാ​ടി​താ​കു​മ്പോ​ൾ സ​ർ​ക്കാ​ർ ന​ട​പ​ടി​ക​ളി​ലെ മെ​ല്ലെ​പ്പോ​ക്കി​ന് മ​റ്റൊ​രു കാ​ര​ണ​വും തേ​ടേ​ണ്ട​തി​ല്ല.

1972ലെ​യും 1986ലെ​യും വ​ന്യ ജീ​വി സം​ര​ക്ഷ​ണ നി​യ​മ​വും പ​രി​സ്ഥി​തി സം​ര​ക്ഷ​ണ നി​യ​മ​വും റ​വ​ന്യു പ്രി​ന്‍സി​പ്പ​ല്‍ സെ​ക്ര​ട്ട​റി​യാ​യി​രു​ന്ന നി​വേ​ദി​ത പി. ​ഹ​ര​ന്‍ ന​ല്‍കി​യ റി​പ്പോ​ര്‍ട്ടും 2002ലെ ​വൈ​ല്‍ഡ് ലൈ​ഫ് ബോ​ര്‍ഡി​ന്‍റെ തീ​രു​മാ​ന​ങ്ങ​ളു​മാ​ണ് കേ​സി​ല്‍ അ​നു​ബ​ന്ധ രേ​ഖ​ക​ളാ​യി സ​മ​ര്‍പ്പി​ച്ചി​ട്ടു​ള്ള​ത്.

മാ​ധ​വ് ഗാ​ഡ്ഗി​ല്‍ റി​പ്പോ​ര്‍ട്ടി​ല്‍ പ​ശ്ചി​മ​ഘ​ട്ടം പ​രി​സ്ഥി​തി ലോ​ല മേ​ഖ​ല​യാ​യി പ്ര​ഖ്യ​പി​ച്ചി​ട്ടു​ണ്ടെ​ന്നും യു​ന​സ്‌​കോ​യു​ടെ ജൈ​വ പൈ​തൃ​ക പ​ട്ടി​ക​യി​ല്‍ പ​ശ്ചി​മ​ഘ​ട്ടം ഉ​ള്‍പ്പെ​ട്ടി​ട്ടു​ണ്ടെ​ന്നു​മാ​ണ് പ്ര​സാ​ദ് ട്രൈ​ബ്യൂ​ണ​ലി​ല്‍ ന​ല്‍കി​യ ഹ​ര്‍ജി​യി​ല്‍ ചൂ​ണ്ടി​ക്കാ​ണി​ച്ചി​ട്ടു​ള്ള​ത്.

ഹ​ര്‍ജി മൂ​ന്നാ​റി​ലെ പ​രി​സ്ഥി​തി സം​രക്ഷി​ക്കാ​നെ​ന്ന പേ​രി​ല്‍

മൂ​ന്നാ​ര്‍ മേ​ഖ​ല എ​ന്ന​റി​യ​പ്പെ​ടു​ന്ന കെ​ഡി​എ​ച്ച് വി​ല്ലേ​ജി​ലെ അ​ന​ധി​കൃ​ത കൈ​യേ​റ്റ​വും പ​രി​സ്ഥി​തി-ജ​ല മ​ലി​നീ​ക​ര​ണ​വും നി​യ​ന്ത്രി​ക്ക​ണ​മെ​ന്ന ഹ​ര്‍ജി​യി​ലാ​ണ് ബ​ഫ​ര്‍ സോ​ണ്‍ പ്ര​ഖ്യാ​ന​വും ആ​വ​ശ്യ​പ്പെ​ട്ടി​രി​ക്കു​ന്ന​ത്. കേ​സ് ഗ്രീ​ന്‍ ട്രൈ​ബ്യൂ​ണ​ലി​ന്‍റെ സ​ജീ​വ പ​രി​ഗ​ണ​ന​യി​ലാ​ണ്.

2020ല്‍ ​ഗ്രീ​ന്‍ ട്രൈ​ബ്യൂ​ണ​ല്‍ കേ​സ് പ​രി​ഗ​ണ​ന​യ്ക്ക് എ​ടു​ക്കു​ക​യും ചെ​യ്തി​ട്ടു​ണ്ട്. ഇ​തു സം​ബ​ന്ധി​ച്ച് ഇ​ടു​ക്കി ജി​ല്ലാ ക​ള​ക്ട​ര്‍ ന​ല്‍കി​യ റി​പ്പോ​ര്‍ട്ടി​ല്‍ സി​എ​ച്ച്ആ​ര്‍ മേ​ഖ​ല​യി​ല്‍നി​ന്നു മ​രം മു​റി​ച്ചാ​ല്‍ കു​ത്ത​ക​പാ​ട്ടം റ​ദ്ദു ചെ​യ്ത് സ​ര്‍ക്കാ​ര്‍ ഏ​റ്റെ​ടു​ക്കു​മെ​ന്നും പ​റ​ഞ്ഞി​ട്ടു​ണ്ട്.

ഗ്രീ​ന്‍ ട്രൈ​ബ്യൂ​ണ​ലി​ല്‍ കേ​സ് സ​ജീ​വ​മാ​കു​മ്പോ​ള്‍ കേ​ര​ള​ത്തി​ലെ​യും സി​എ​ച്ച്ആ​റി​ലെ​യും ജ​ന​ജീ​വി​തം ദു​സ​ഹ​മാ​യിത്തീ​രും. ദേ​ശീ​യ വൈ​ല്‍ഡ് ലൈ​ഫ് ബോ​ര്‍ഡി​ന്‍റെ നി​ര്‍ദേ​ശ​മ​നു​സ​രി​ച്ച് വ​ന്യ​മൃ​ഗ സം​ര​ക്ഷ​ണ കേ​ന്ദ്ര​ങ്ങ​ളു​ടെ​യും ദേ​ശീ​യോ​ദ്യാ​ന​ങ്ങ​ളു​ടെ​യും 10 കി​ലോ​മീ​റ്റ​ര്‍ ചു​റ്റ​ള​വ് ബ​ഫ​ര്‍ സോ​ണാ​യി ഗ്രീ​ന്‍ ട്രൈ​ബ്യൂ​ണ​ല്‍ പ്ര​ഖ്യാ​പി​ച്ചാ​ല്‍ കേ​ര​ള​ത്തെ ഭൂ​രി​ഭാ​ഗം പ്ര​ദേ​ശ​ങ്ങ​ളെ​യും ഗു​രു​ത​ര​മാ​യി ബാ​ധി​ക്കും.