ക്വാ​റി ഉ​ത്പ​ന്ന​ങ്ങ​ളു​ടെ വി​ല​ക്ക​യ​റ്റം: ഗ​വ. കോ​ൺ​ട്രാ​ക്ട​ർ​മാ​ർ പ്ര​തി​ഷേ​ധ​ത്തി​ലേ​ക്ക്; നി​രാ​ഹാ​ര സ​ത്യ​ഗ്ര​ഹം 26ന്

ക​ണ്ണൂ​ർ: ക്വാ​റി ഉ​ത്പ​ന്ന​ങ്ങ​ളു​ടെ അ​നി​യ​ന്ത്രി​ത വി​ല​ക്ക​യ​റ്റ​ത്തി​നും അ​സം​സ്കൃ​ത വ​സ്തു​ക്ക​ൾ കി​ട്ടാ​ത്ത​തി​ലും ഗ​വ.​കോ​ൺ​ട്രാ​ക്ട​ർ​മാ​ർ പ്ര​തി​ഷേ​ധ​വു​മാ​യി രം​ഗ​ത്ത്. നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​വ​ശ്യ​മാ​യ സാ​ധ​ന​ങ്ങ​ൾ ല​ഭി​ക്കു​ന്ന​തി​ന് ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ നേ​ര​ത്തെ ഉ​റ​പ്പ് ന​ൽ​കി​യെ​ങ്കി​ലും ഇ​തു​വ​രെ​യും ന​ട​പ്പി​ലാ​ക്കി​യി​ട്ട​ല്ലെ​ന്നാ​ണ് ക​രാ​റു​കാ​ർ ആ​രോ​പി​ക്കു​ന്ന​ത്. പൂ​ഴി, മ​ണ​ൽ, ക​രി​ങ്ക​ല്ല് തു​ട​ങ്ങി​യ അ​സം​സ്കൃ​ത വ​സ്തു​ക്ക​ൾ കി​ട്ടാ​നി​ല്ലാ​ത്ത സ്ഥി​തി​യാ​ണ് നി​ല​വി​ലു​ള്ള​ത്. ഇ​തു​കാ​ര​ണം ഏ​റ്റെ​ടു​ത്ത പ്ര​വൃ​ത്തി​ക​ൾ സ​മ​യ​ബ​ന്ധി​ത​മാ​യി പൂ​ർ‌​ത്തി​യാ​ക്കാ​നോ പു​തി​യ പ്ര​വൃ​ത്തി​ക​ൾ ഏ​റ്റെ​ടു​ക്കാ​നോ ക​ഴി​യാ​ത്ത സ്ഥി​തി​യാ​ണ്.
ജി​ല്ല​യി​ൽ 1,100 ഗ​വ. ക​രാ​റു​കാ​രാ​ണു​ള്ള​ത്. മ​ണ​ൽ, ക​രി​ങ്ക​ൽ തു​ട​ങ്ങി​യ അ​സം​സ്കൃ​ത വ​സ്തു​ക്ക​ൾ ക​യ​റ്റി​ക്കൊ​ണ്ടു പോ​കു​ന്ന ലോ​റി​ക​ളെ പോ​ലീ​സ് ത​ട​ഞ്ഞ് വ​ൻ​തു​ക പി​ഴ ഈ​ടാ​ക്കി മേ​ഖ​ല​യെ ത​ക​ർ​ക്കു​ക​യാ​ണെ​ന്നും ക​രാ​റു​കാ​ർ ആ​രോ​പി​ച്ചു. ക​മ്പി, സി​മ​ന്‍റ് , ടാ​ർ തു​ട​ങ്ങി​യ​വ​യ്ക്ക് സ​ർ​ക്കാ​ർ മ​തി​യാ​യ വി​ല ന​ൽ​കു​ന്നി​ല്ലെ​ന്നും ക​രാ​റു​കാ​ർ പ​റ​ഞ്ഞു.156 കി​ലോ ടാ​റി​ന് പു​റ​ത്ത് 10,000 രൂ​പ വി​ല വ​രും. എ​ന്നാ​ൽ, സ​ർ​ക്കാ​ർ ക​രാ​റു​കാ​ർ​ക്ക് ന​ൽ​കു​ന്ന​ത് വെ​റും 7000 രൂ​പ​യാ​ണ്. ഒ​രു കി​ലോ ക​മ്പി​ക്ക് 90 രൂ​പ​യാ​ണെ​ങ്കി​ൽ സ​ർ​ക്കാ​ർ ന​ൽ​കു​ന്ന​ത് 75-80 രൂ​പ നി​ര​ക്കി​ലാ​ണ്. ഇ​തു​വ​ലി​യ ന​ഷ്‌​ട​മാ​ണ് ക​രാ​റു​കാ​ർ​ക്ക് വ​രു​ത്തു​ന്ന​ത്.​ നി​ർ​മാ​ണ സാ​ധ​ന​ങ്ങ​ൾ ല​ഭി​ക്കു​ന്ന​തി​ന് ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ ന​ൽ​കി​യ ഉ​റ​പ്പ് പാ​ലി​ക്ക​പ്പെ​ടാ​ത്ത​തി​ൽ പ്ര​തി​ഷേ​ധി​ച്ചും മ​റ്റ് വി​വി​ധ ആ​വ​ശ്യ​ങ്ങ​ൾ ഉ​ന്ന​യി​ച്ചും 26ന് ​തി​രു​വ​ന​ന്ത​പു​രം പാ​ള​യം ര​ക്ത​സാ​ക്ഷി മ​ണ്ഡ​പ​ത്തി​ൽ 24 മ​ണി​ക്കൂ​ർ നി​രാ​ഹാ​ര സ​ത്യ​ഗ്ര​ഹ​വും 27ന് ​സെ​ക്ര​ട്ടേ​റി​യ​റ്റ് മാ​ർ​ച്ചും സം​ഘ​ടി​പ്പി​ക്കും.