സംസ്ഥാനത്തെ ആറുജില്ലകളിൽ എയ്ഡഡ് ഹയർസെക്കൻഡറി സ്കൂളുകളിൽ നിലവിൽ അനുവദിച്ചിട്ടുള്ള 20 ശതമാനം മാർജിനൽ സീറ്റ് വർധനവിനു പുറമേ 10 ശതമാനം മാർജിനൽ സീറ്റുവർധനവുകൂടി അധികമായി വേണ്ടവർക്ക് അപേക്ഷിക്കാൻ അവസരം.
ഈ മാസം 14 മുതൽ 15ന് വൈകുന്നേരം അഞ്ചുവരെയാണ് അപേക്ഷിക്കാൻ സമയം. നിലവിൽ സർക്കാർ ഉത്തരവിന്‍റെ അടിസ്ഥാനത്തിൽ തിരുവനന്തപുരം, പാലക്കാട്, കോഴിക്കോട്, മലപ്പുറം, വയനാട്, കണ്ണൂർ, കാസർഗോഡ് ജില്ലകളിലെ എല്ലാ എയ്ഡഡ് ഹയർസെക്കൻഡറി സ്കൂളുകളിലും 20 ശതമാനം മാർജിനൽ സീറ്റ് വർധന അനുവദിച്ചിട്ടുണ്ട്. ഇതു കൂടാതെ 10 ശതമാനം മാർജിനൽ സീറ്റ് വർധനവ് ആവശ്യമുള്ള സ്കൂൾ പ്രിസിപ്പൽമാരാണ് അപേക്ഷിക്കേണ്ടത്.