ജീവിതശൈലീ രോഗങ്ങൾ ഉൾപ്പെടെയുള്ളവ നേരത്തേ കണ്ടെത്താൻ 30 വയസിനു മുകളിലുള്ള എല്ലാവർക്കും വർഷത്തിലൊരിക്കൽ സൗജന്യ ആരോഗ്യപരിശോധന നടത്തുമെന്ന് മന്ത്രി വീണാ ജോർജ്.
നിലവിൽ ഈ പരിശോധന സംസ്ഥാനത്തെ 140 പഞ്ചായത്തുകളിൽ ആരംഭിച്ചു. ജീവിതശൈലിയുടെ ഭാഗമായുണ്ടാവുന്ന വൃക്കരോഗം തടയാൻ കാന്പയിൽ നടത്തും. ചെലവേറിയ ഹീമോ ഡയാലിസിസിന് പകരം വീട്ടിൽ ചെയ്യാവുന്ന പെരിറ്റോണിയൽ ഡയാലിസിസിന് പ്രചാരം നൽകുമെന്നും മന്ത്രി അറിയിച്ചു.