സംസ്ഥാനങ്ങൾക്കുള്ള ജിഎസ്ടി നഷ്ടപരിഹാരം അടുത്ത അഞ്ചുവർഷത്തേക്കുകൂടി തുടരണമെന്നഭ്യർഥിച്ചു മുഖ്യമന്ത്രി പിണറായി വിജയൻ, പ്രധാനമന്ത്രിക്കു കത്ത് നൽകി.
സംസ്ഥാനങ്ങൾക്കുള്ള ജിഎസ്ടി നഷ്ടപരിഹാരം തുടരണമെന്നാണ് ജൂണ്‍ അവസാനവാരം നടന്ന ജിഎസ്ടി കൗണ്‍സിൽ യോഗത്തിൽ കേരളവും മറ്റ് സംസ്ഥാനങ്ങളും കേന്ദ്രത്തോട് ആവശ്യപ്പെട്ടത്.
കേരളത്തിന് കേന്ദ്രത്തിൽനിന്നു ലഭിക്കേണ്ട നികുതി വരുമാനം കുറഞ്ഞുവരികയാണ്. കേരളത്തിനുള്ള റവന്യു കമ്മി ഗ്രാന്‍റും 2024-25 നകം അവസാനിക്കുകയാണ്. ഈ സാഹചര്യത്തിൽ ജിഎസ്ടി നഷ്ടപരിഹാരം അവസാനിപ്പിക്കുന്നത് സംസ്ഥാനങ്ങളുടെ ധനസ്ഥിതിയെ ദോഷകരമായി ബാധിക്കുമെന്നും മുഖ്യമന്ത്രി കത്തിലൂടെ ആവശ്യപ്പെട്ടു.