ഇരിട്ടി: സംസ്ഥാനത്തെ 1800 ഓളം വരുന്ന അഗതിമന്ദിരങ്ങളിലെ അന്തേവാസികൾക്ക് സൗജന്യമായി നൽകിക്കൊണ്ടിരുന്ന ഭക്ഷ്യവസ്തുക്കളുടെ വിതരണം നിർത്തലാക്കാനുള്ള തീരുമാനം പിൻവലിക്കണമെന്ന് കത്തോലിക്കാ കോൺഗ്രസ് കുന്നോത്ത് ഫൊറോന യോഗം ആവശ്യപ്പെട്ടു.
യോഗത്തിൽ കുന്നോത്ത് ഫൊറോന വികാരി ഫാ.അഗസ്റ്റിൻ പാണ്ട്യാമ്മാക്കൽ അധ്യക്ഷത വഹിച്ചു. ഫൊറോന ഡയറക്‌ടർ ഫാ.തോമസ് ആമക്കാട്ട്, അതിരൂപത ജനറൽ സെക്രട്ടറി ബെന്നി പുതിയാംപുറം, സെക്രട്ടറിമാരായ അൽഫോൻസ് കളപ്പുര, ഷീജ കാറുകുളം, ഫൊറോന പ്രസിഡന്‍റ് മാത്യു വള്ളോങ്കോട്ട് ,സെക്രട്ടറി ഷിബു കുന്നപ്പള്ളി, തോമസ് നെച്ചിയാട്ട്, അനൂപ് ചെമ്പകശേരി, തോമസ് വട്ടമറ്റം എന്നിവർ പ്രസംഗിച്ചു.
നിരാലംബരോടുള്ള സർക്കാർ സമീപനം മാറ്റണം : എകെസിസി
