പൂളക്കുറ്റി: നിക്ഷേപിച്ച പണം തിരികെ കിട്ടാനായി പൂളക്കുറ്റി സർവീസ് സഹകരണ ബാങ്കിന് മുമ്പിൽ നിക്ഷേപകർ നടത്തുന്ന സമരം പത്താംദിവസത്തിലേക്ക് കടന്നു.
പണം തിരികെ കിട്ടുന്നതു വരെ സമരം തുടരുമെന്ന് സമരസമതി അംഗങ്ങൾ പറഞ്ഞു. മലയോര മേഖലയിലെ എറ്റവും മികച്ച ബാങ്കുകളിൽ ഒന്നായിരുന്നു പൂളക്കുറ്റി സർവീസ് സഹകരണ ബാങ്ക് . കഴിഞ്ഞ അഞ്ച് വർഷമായി പണം തിരികെ നൽകണമെന്നാവശ്യപ്പെട്ട് നിക്ഷേപകർ ബാങ്കിനെ സമീപിച്ചെങ്കിലും പണം തിരിച്ചു നൽകിയില്ലെന്നാണ് പരാതി. ഇതേത്തുടർന്നാണ് പ്രത്യക്ഷ സമരവുമായി നിക്ഷേപകർ രംഗത്തെത്തിയത്. കഴിഞ്ഞ ദിവസം സഹകരണ വകുപ്പ് ഓഫീസിന് മുന്നിലും സമരം നടത്തിയിരുന്നു.
പൂളക്കുറ്റി ബാങ്ക് നിക്ഷേപകരുടെ സമരം പത്താം ദിവസത്തിലേക്ക്
