മൈസൂരുവിന് സമീപം കെഎസ്ആർടിസി സ്വിഫ്റ്റ് ബസ് മറിഞ്ഞ് അഞ്ച് പേർക്ക് ഗുരുതര പരിക്ക്. കോട്ടയത്തുനിന്നും ബംഗളൂരുവിന് പുറപ്പെട്ട ബസ് നഞ്ചൻകോടിന് സമീപമാണ് അപകടത്തിൽപെട്ടത്.
ഇന്ന് പുലർച്ചെ റോഡിലെ ഡിവൈഡറിൽ തട്ടി ബസ് മറിയുകയായിരുന്നു. പരിക്കേറ്റവരെ മൈസൂരുവിലെ ആശുപത്രിയിലേക്ക് മാറ്റി. ഡ്രൈവർക്കും സാരമായി പരിക്കേറ്റിട്ടുണ്ട്.
37 യാത്രക്കാരാണ് ബസിലുണ്ടായിരുന്നത്. പോലീസ് ഉൾപ്പെടെ സ്ഥലത്തെത്തിയാണ് യാത്രക്കാരെ ആശുപത്രിയിലേക്ക് മാറ്റിയത്.