സ്തനാര്ബുദത്തിനുള്ള റൈബോസിക്ളിബ് എന്ന മരുന്നിന്റെ വില നിയന്ത്രിക്കാനായി ഇതു ഇന്ത്യയില് നിര്മിക്കാന് കേന്ദ്രസര്ക്കാര് ഇടപെടണമെന്ന നിവേദനം നാലാഴ്ചയ്ക്കകം പരിഗണിച്ചു തീരുമാനമെടുക്കാന് ഹൈക്കോടതി നിര്ദേശം നല്കി.
പേറ്റന്റ് നിയന്ത്രണമില്ലാതെ ഇതു ഇന്ത്യയില് നിര്മിക്കാന് കഴിയുന്ന തരത്തില് ഇടപെട്ടാല് മരുന്ന് വില കുറയ്ക്കാന് കഴിയുമെന്ന് ചൂണ്ടിക്കാട്ടി രോഗിയായ ഒരു റിട്ട. ബാങ്ക് ഉദ്യോഗസ്ഥ നല്കിയ ഹര്ജിയിലാണ് ജസ്റ്റീസ് വി.ജി. അരുണിന്റെ ഇടക്കാല ഉത്തരവ്.
സ്തനാര്ബുദ ചികിത്സക്ക് പ്രതിമാസം 63,480 രൂപ വേണമെന്നും ഇതില് 58,140 രൂപ റൈബോസിക്ളിബ് എന്ന മരുന്നിനു മാത്രം വേണ്ടി വരുന്നുണ്ടെന്നും ഹര്ജിക്കാരി ചൂണ്ടിക്കാട്ടി.