രാജ്യത്ത് ക്രൂഡ് ഓയിൽ വില ഉയർന്ന നിലയിൽ. പത്ത് വർഷത്തിനിടയിലെ ഏറ്റവും ഉയർന്ന വിലയ്ക്കാണ് ഇന്ത്യ കഴിഞ്ഞ ദിവസം ക്രൂഡ് ഓയിൽ വാങ്ങിയത്. 121 യുഎസ് ഡോളറിനാണ് ഇന്ത്യ ക്രൂഡ് ഓയിൽ വാങ്ങിയത്.
അതേസമയം രാജ്യത്ത് ഇന്ധന വിലവർധന ഏതാനും നാളുകളായി മരവിപ്പിച്ചിരിക്കുകയാണ്. ജൂണ്‍ ഒൻപതിന് 121.28 യുഎസ് ഡോളറിനാണ് ഇന്ത്യ ഒരു ബാരൽ ക്രൂഡ് ഓയിൽ വാങ്ങിയത്.
ഫെബ്രുവരി 25 മുതൽ മാർച്ച് 29 വരെ ശരാശരി 111.86 യുഎസ് ഡോളറിനാണ് ഇന്ത്യ ക്രൂഡ് ഓയിൽ വാങ്ങിയിരുന്നത്. മാർച്ച് 30 മുതൽ ഏപ്രിൽ 27 വരെ ശരാശരി 103.44 ഡോളറിനാണ് വാങ്ങിയത്.