അധ്യാപകരുടെ നിലവാരം സംസ്ഥാനത്ത് മൂന്നുമാസം കൂടുമ്പോൾ വിലയിരുത്തുമെന്ന് വിദ്യാഭ്യാസമന്ത്രി വി.ശിവൻകുട്ടി. ശമ്പളം പണിയെടുക്കാതെ വാങ്ങുന്ന രീതിയൊക്കെ മാറിയെന്നും കാലത്തിനനുസരിച്ച് അധ്യാപകർ മാറണമെന്നും അദ്ദേഹം പറഞ്ഞു.
എൽപി സ്കൂൾ അധ്യാപകരുടെ അവധിക്കാല ശാക്തീകരണ പരിപാടി തിരുവനന്തപുരത്ത് ഉദ്ഘാടനം ചെയ്ത് സംസാരിക്കുകയായിരുന്നു വി.ശിവൻകുട്ടി. പ്രധാന അധ്യാപകനോട് അധ്യാപകരുടെ നിലവാരത്തെക്കുറിച്ച് എഇഒമാരും ഡിഇഒമാരും റിപ്പോർട്ട് തേടണമെന്നും മന്ത്രി നിർദേശിച്ചു.