ബിഷപ് ഡോ. ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിചാരണക്കോടതി വിധിക്കെതിരേ കന്യാസ്ത്രീ നൽകിയ അപ്പീലിൽ ബിഷപ് ഡോ. ഫ്രാങ്കോയ്ക്കു ഹൈക്കോടതി നോട്ടീസ് അയച്ചു. ബിഷപ്പിനെ വെറുതെ വിട്ട വിചാരണക്കോടതി വിധി റദ്ദാക്കണമെന്ന ആവശ്യവുമായിട്ടാണ് പരാതിക്കാരി ഹൈക്കോടതിയെ സമീപിച്ചിരിക്കുന്നത്.
പ്രസിക്യൂഷൻ സമർപ്പിച്ച തെളിവുകൾ പരിശോധിക്കുന്നതിൽ വിചാരണക്കോടതി പരാജയപ്പെട്ടു എന്നാണ് പരാതിക്കാരുടെ ഹർജിയിൽ ആരോപിക്കുന്നത്. കേസിൽ സംസ്ഥാന സർക്കാരും അപ്പീൽ നൽകിയിട്ടുണ്ട്. നിയമോപദേശം തേടിയ ശേഷമാണ് പോലീസ് ഹൈക്കോടതിയെ സമീപിച്ചത്.