ഒന്നാംഘട്ട നിർമാണം പൂർത്തിയാക്കിയ കുടിവെള്ള പദ്ധതികളിലെ വിതരണ ശൃംഖല കിഫ്ബി ധനസഹായത്തോടെ പൂർത്തീകരിക്കാനായി 521.20 കോടി രൂപയ്ക്ക് ഭരണാനുമതി നൽകാൻ മന്ത്രിസഭായോഗം തീരുമാനിച്ചു.
അഞ്ച് പദ്ധതികളിതിലുൾപ്പെടും. ഇടുക്കി, കോഴിക്കോട്, കണ്ണൂർ, പാലക്കാട് ജില്ലകളിലെ കുടിവെള്ള വിതരണ പദ്ധതികൾക്കുള്ള തുകയ്ക്കാണ് ഭരണാനുമതിയെന്ന് മന്ത്രി റോഷി അഗസ്റ്റിൻ അറിയിച്ചു.
കൊയിലാണ്ടി, തൊടുപുഴ, താനൂർ, മട്ടന്നൂർ, ഇരിട്ടി, ഷൊർണൂർ മുനിസിപ്പാലിറ്റികളിലും വാണിയംകുളം പഞ്ചായത്ത് എന്നിവിടങ്ങളിലെ കുടിവെള്ള വിതരണത്തിനാണ് തുക അനുവദിച്ചിരിക്കുന്നത്.