സംസ്ഥാനത്തെ കെ-റെയിൽ സർവേക്കെതിരായ ഹർജി തിങ്കളാഴ്ച സുപ്രീം കോടതിപരിഗണിക്കും. പദ്ധതിയുമായി ബന്ധപ്പെട്ട സർവേ തുടരാമെന്ന ഹൈക്കോടതി വിധി ചോദ്യംചെയ്ത് ആലുവ സ്വദേശി സുനിൽ ജെ. അറകാലനാണ് സുപ്രീംകോടതിയെ സമീപിച്ചത്.
സർവേ നടപടികൾ ഉടൻ സ്റ്റേ ചെയ്യണമെന്നാണ് ഹർജിയിൽ ആവശ്യപ്പെട്ടിരിക്കുന്നത്. ജസ്റ്റീസ് എം.ആർ. ഷാ അധ്യക്ഷനായ ബെഞ്ച് ഹർജി പരിഗണിക്കും.
അതേസമയം, സംസ്ഥാനത്ത് പലയിടങ്ങളിലും കെ-റെയിൽ വിരുദ്ധ പ്രതിഷേധങ്ങൾ ശക്തമായിരിക്കുകയാണ്. കോട്ടയം നട്ടാശേരിയിലും എറണാകുളം മാമലയിലും ഇന്ന് കെ-റെയിൽ സര്വേക്കെതിരായ വലിയ പ്രതിഷേധമാണ് അരങ്ങേറിയത്. പോലീസ് സന്നാഹത്തിന്റെ കാവലിൽ ഉദ്യോഗസ്ഥർ സ്ഥാപിച്ച അതിരടയാളക്കല്ലുകൾ പ്രതിഷേധക്കാർ പിഴുതെടുത്തതോടെ കോട്ടയത്ത് സർവേ നടപടികൾ നിർത്തിവച്ചു.