സംയുക്ത ട്രേഡ് യൂണിയൻ സമിതി ആഹ്വാനംചെയ്ത രണ്ടുദിവസത്തെ ദേശീയ പണിമുടക്ക് ഞായറാഴ്ച അർധരാത്രി 12-ന് തുടങ്ങി ചൊവ്വാഴ്ച അർധരാത്രി 12-ന് അവസാനിക്കുമെന്ന് സെക്രട്ടറി എളമരം കരീം അറിയിച്ചു. പണിമുടക്ക് 30-നു രാവിലെ ആറുവരെ നീളുമെന്ന് നേരത്തേ അറിയിച്ചിരുന്നത് പിശകാണെന്നും സമിതി ഭാരവാഹികൾ അറിയിച്ചു. പണിമുടക്കിൽ തപാൽജീവനക്കാരും പങ്കെടുക്കുമെന്ന് എൻ.എഫ്.പി.ഇ-എഫ്.എൻ.പി.ഒ. കൺവീനർമാരായ കെ.വി. സുധീർകുമാറും പി.കെ. മുരളീധരനും അറിയിച്ചു.