കടുത്ത ചൂടില് ആശ്വാസമായി സംസ്ഥാനത്തിന്റെ ചില ഭാഗത്ത് വേനല് മഴ പെയ്തു. തിരുവനന്തപുരം ജില്ലയിലെ ചില ഭാഗങ്ങളിൽ ശക്തമായ മഴയാണ് ലഭിച്ചത്.
അടുത്ത മണിക്കൂറുകളിൽ തെക്കൻ കേരളത്തിലും മധ്യ കേരളത്തിലും ഒറ്റപ്പെട്ട മഴയ്ക്ക് സാധ്യതയുണ്ടെന്ന് കാലാവസ്ഥ വിഭാഗം അറിയിച്ചു.
വരും ദിവസങ്ങളിൽ കണ്ണൂർ, വയനാട് വനമേഖലകളിലും മഴ പെയ്തേക്കും. മലപ്പുറം, പാലക്കാട് ജില്ലകളിലെ അതിർത്തിയിലും മഴ ലഭിക്കുമെന്ന് പ്രവചനമുണ്ട്.
അടുത്തയാഴ്ചയോടെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടും. ഇതോടെ സംസ്ഥാനത്തൊട്ടാകെ വേനൽമഴ ലഭിക്കാൻ സാധ്യതയുണ്ടെന്നും കാലാവസ്ഥാ വകുപ്പ് പ്രവചിക്കുന്നു.