കര്ണാടകയിലെ ഹിജാബ് നിരോധനത്തിനെതിരായ ഹര്ജികളില് ഹൈക്കോടതി വിധി ഇന്ന്. കര്ണാടക ഹൈക്കോടതിയുടെ വിശാല ബെഞ്ചാണ് വിധി പറയുന്നത്.ചീഫ് ജസ്റ്റിസ് ഋതു രാജ് അവസ്തി, ജസ്റ്റിസ് കൃഷ്ണ എസ് ദീക്ഷിത്, ജസ്റ്റിസ് ജെഎം ഖാസി എന്നിവരടങ്ങുന്ന വിശാല ബെഞ്ചാണ് രാജ്യം ഉറ്റു നോക്കുന്ന വിധി പറയുക.രാവിലെ 10:30നാണ് വിധി പ്രഖ്യാപിക്കുക.
ഹിജാബ് ധരിക്കുക എന്നത് മൗലികാവാകാശങ്ങളുടെ ഭാഗമാണെന്ന് ചൂണ്ടികാണിച്ച് കര്ണാടകയിലെ വിദ്യാര്ഥിനികളാണ് ഹര്ജി നല്കിയിരുന്നത്. കേസില് വിവിധ സംഘടനകളും കക്ഷി ചേര്ന്നിരുന്നു.
11ദിവസമാണ് കേസില് കോടതി വാദം കേട്ടത്. വിധി വരുംവരെ ക്ലാസ് മുറികളില് ഏതെങ്കിലും തരത്തിലുള്ള മതപരമായ വസത്രങ്ങള് ധരിക്കുന്നത് കോടതി വിലക്കുകയും ചെയ്തിരുന്നു.എന്നാല് ഹിജാബ് മതാചാരങ്ങളുടെയും മൗലികാവകാശങ്ങളുടെയും ഭാഗമല്ലെന്നാണ് സര്ക്കാര് നിലപാട്
വിധി വരുന്ന പശ്ചാത്തലത്തില് ബംഗളൂരുവില് നിരോധനാജ്ഞ പ്രഖ്യാപിച്ചതായി പൊലീസ് കമ്മീഷണര് കമാല് പന്ത് അറിയിച്ചു. ചൊവ്വാഴ്ച മുതല് 21 വരെയാണ് നിരോധനാജ്ഞ. ആഹ്ളാദപ്രകടനങ്ങള്, പ്രതിഷേധങ്ങള്, ഒത്തുചേരലുകള് എന്നിവയക്ക് സമ്പൂര്ണ വിലക്ക് ഏര്പ്പെടുത്തി.